8:00去膳食廳食和式早餐
食飽後, 返房收拾行李, 退房付錢, 然後行去隔離街的內科中心停車場取車
9:00出發去別府八大地獄巡禮, 車程只需5分鐘
別府地獄每個地獄出面都有免費停車場, 海地獄、山地獄、鬼石坊主地獄、かまど地獄、鬼山地獄和白池地獄位於同一區
海地獄的停車場特別大, 我們先泊車去海地獄, 然後逐個地獄遊覽
我們會去晒8個地獄, 所以買了別府地獄組合入場券, 入面有齊8個地獄的入場券, 原價2000Yen一人, 出示九折coupon折實後1800Yen一人
海地獄是8個地獄之中面積最大和最靚的一個, 我們入到去仲見到櫻花盛開, 有櫻花襯托下, 影出來的相都覺得特別靚
藍色的溫泉池
紅色的溫泉池
免費的足湯
賣紀念品的商店
見到溫泉蛋 300Yen5個和海地獄布丁250Yen, 但我們沒有買
用溫泉水煮溫泉蛋
跟住行鬼石坊主地獄, 這裡的溫泉池是灰灰的泥漿
這裡的足湯多人浸
跟住是山地獄, 入面養了一些動物, 像小型的動物園
かまど地獄, 這裡都是藍色和紅色的溫泉池
鬼山地獄, 是專養鱷魚的地方
白池地獄, 入面有熱帶魚館, 但所養的熱帶魚唔靚
只有一個較大的溫泉池, 沒有特別
遊覽完這6個地獄之後, 仲有血の池地獄和龍巻地獄未去，這兩個地獄位置比較遠, 所以要開車過去, 我們行番去海地獄取車, 係血の池地獄泊車, 血の池地獄入面只有個較大的紅色溫泉池
跟住行去龍巻地獄, 主要有噴水表演, 大約6-10分鐘就完這個表演, 我們去到剛剛見到噴水表演中, 如果錯過了就要等 30-40分鐘下一場的表演
11:15去地獄蒸工房食午餐, 車程4分鐘, 有免費停車場, 但車位不多, 去到車位已差不多滿
大門前已有告示牌寫住要等30分鐘, 想不到咁早來都這麼多人
我們先去買票機買食材的票, 買了海鮮拼盤1000Yen、豚肉1000Yen和蒸爐費30分鐘500Yen
跟住去櫃台登記等叫名, 這裡有個識講英文的大叔, 由買票到蒸的食材要幾耐, 他都會一一說明, 唔怕唔識!
這種料理其實是利用溫泉噴出的蒸氣烹煮食材, 這裡是自助式的, 必須自己親手烹煮食物, 自己搵位, 食完後還要自己清洗食具! 少少特別就吸引這麼多人幫襯, 仲要出錢自己落手落腳做, 所以話日本人真係好有生意頭腦呢!
13:00出發去溫泉小鎮 - 湯布院, 車程45分鐘, 係差不多到湯布院時, 我們先去狹霧台展望台, 這裡可以腑瞰整個湯布院的景色
由於湯布院附近沒有免費停車場, 全部停車場都要收費, 所以我們先將車駛到今晚入住的溫泉旅館泊車, 旅館要16:00後才可以check in, 我們和旅館負責人講聲, 先將車泊在這裡, 出去行街, 傍晚才回來
由旅館行去湯布院最著名的商店街 - 湯之坪街道, 路程大約10分鐘, 由湯布院車站延伸至金鱗湖, 街道兩旁有土產店、餐廳、咖啡店、精品店, 真係好好逛....
Monchhichi專門店
「どんぐりの森」精品店
Hello Kitty精品店
還有其他商店
係街頭見到小食店有人排隊, 我們又買一個來食150Yen, 熱辣辣、好脆!
近街尾見到有個北歐風格的 Yufuin Floral Village
再行到最尾就到金鱗湖, 金鱗湖是一個小湖, 以冬天早上能欣賞到晨霧彌漫的景色而聞名, 但我們這個時間看都覺得很美
我們係A-Coop超級市場買定啤酒、果汁、生果、零食, 留待今晚食
行到累...係湯布院車站附近的一間cafe坐下, 飲杯Cappuccino 360Yen, 食件蛋糕315Yen
18:00返回旅館正式check in, 這間溫泉旅館 - 御宿 仙壽比昨晚住的溫泉旅館梗少房間, 全旅館只有3間房間, 每間房都設有露天風呂, 一泊兩食29700Yen, 個人很喜歡這些小型溫泉旅館
旅館負責人安排我們食晚餐時間係18:30, 晚餐在房間內用, 食物做得很精緻, 但份量沒有昨晚的溫泉旅館多, 我就剛剛好飽, 老公就不多夠飽, 夜些要食生果、零食補充
食到最後甜品, 旅館負責人告訴我們要自己舖床舖, 正常是旅館做的, 可能他們不想阻礙我們浸溫泉....幸好不是太困難, 很快舖好
休息一會, 我和老公就去浸溫泉, 其實這是個半露天的風呂, 浸完溫泉, 食些生果、零食、飲啤酒, 然後就休息了!
沒有留言:
發佈留言